Disa ditë më parë, këngëtarja Demi Lovato bëri publike lidhjen e saj të dashurisë me djalin që i ka vjedhur zemrën.
Ai është një model plot me tatuazhe dhe quhet Austin Wilson.
Demi publikoi në Instagram një foto ku shfaqej mjaft e dashuruar me Austin dhe foton e shoqëronte me shkrimin: “Dashuria ime”.
Mirëpo, vetëm disa ditë pas bërjes publike të romancës së re, këngëtarja i ka bërë fansat të mendojnë se ajo është shtatzënë për herë të parë.
Disa orë më parë, ajo ndau në llogarinë e saj në Instagram foto e video me dorën mbi barkun e rrumbullakosur, ndërsa krahas postimit shkruante:
“E vërtetë apo fallso?”- duke i habitur të gjithë.
Me siguri kjo duhet të ketë qenë një shaka nga këngëtarja, me të cilën fansat kanë filluar të qeshin në komente.
Megjithatë, mbetet të presim një pohim apo përgënjeshtrim të lajmit nga vetë Demi Lovato.
