Sfilata Couture e Fendi-t në Paris, për Pranverë-Verën e 2021-shit do të bënte bashkë emra të rëndësishëm të modës dhe jo vetëm. Shfaqja u çel nga ylli Demi Moore, për të vijuar më tej me emra si Naomi Campbell, Bella Hadid, Cara Delevingne, Christy dhe James Turlington.
Një vëmendje të veçantë mori momenti kur mbi pasarelë u shfaq supermodelja Kate Moss, së bashku me të bijën, Lila. Dizajneri Kim Jones preferoi një paraqitje të ngjashme Moore-Moss, ku ranë në sy vathët ekstravagantë, shoqëuar me fustane elegante. Për të respektuar rregullat e pandemisë globale dhe për të mundësuar një shfaqje sa më aktuale, modelet qëndruan të distancuara nga njëra-tjetra. Teksa Naomi, Kate, Lila si dhe pjesa dërrmuese e modeleve mbajtën veshur fustane, Cara tërhoqi vëmendjen me kostumin tepër intrigues. Kontrasti, krahasuar me fustanet femërore u mundësua përmes një xhakete shumëngjyrëshe me jakë të ekzagjeruar.
Nga ana tjetër, 24-vjeçarja Bella Hadid u prezantua me një fustan të zi, mbi të cilin derdhej një pelerinë. Përmbyllja e sfilatës u shoqërua më tej me pozimin e modeleve brenda disa dhomave prej xhami, frymëzuar nga situata aktuale prej Covid-it. Në ndryshim nga modelet e tjera, Kate dhe Lila mundën të qëndronin në të njëjtën dhomë.
