Adriana Matoshi ka qenë kryefjala e mediave ditët e fundit, jo vetëm për arritjet artistike, por edhe për zyrtarizimin e lidhjes së re të dashurisë. Matoshi konfirmoi për “Prive” se është në një marrëdhënie me futbollistin afrikan, Keith Groeneveld, i cili është 19 vite më i ri në moshë se aktorja.
Ndërkohë e ftuar së fundmi në emisionin “Tetë a tetë”, aktorja ka rrëfyer arsyet që e çuan drejt divorcit me ish-bashkëshortin, biznesmenin Albert Sylejmani. Adriana u shpreh se ishte një periudhë kur ajo u thye shpirtërisht e emocionalisht dhe prandaj kishte vetëm dy mundësi, të shkatërronte veten, ose të ecte përpara. Ajo tha se zgjodhi këtë të fundit, për hir të fëmijëve të saj, sepse ata janë qenia më e pafajshme në botë.
“Sigurisht që divorci nuk është një gjë që duhet me u gëzu, ajo vjen nga diçka që nuk e pret ose ti nuk ke pasur qëllime të tilla, ajo ka ndodhur. Periudhën sa kam qenë e martuar, kam qenë e lumtur. Kam pasur një moment kur gjithçka u thy shpirtërisht emocionalisht dhe fizikisht shumë rëndë. Periudhë që ka lënë varrë në shpirtin tim, por i kam pasur vetëm dy mundësi; me shkatërru veten apo me ec përpara, dhe kam zgjedhur të eci përpara për hir të fëmijëve të mi që ata janë qenia më e pafajshme në botë.
E kam vuajtur një periudhë, derisa jam koncentruar të bëj vetëm gjëra të mira dhe jam shumë e lumtur që nuk ja kam lejuar vetes që diçka e madhe të më hedh poshtë. E kaluara ime mbetet e kaluar, por jam femër ambicioze, kam shumë gjëra për të bërë që lidhen me artin, me vështirësi pa vështirësi, me shkolla me detyra me gjithçka”, u shpreh Matoshi.
Më herët Adriana ka treguar se është njohur me Keith në një lokal dhe nuk e mendonte që do të niste një histori dashurie me të.
“E që unë e kam një lokal ku rri aty dhe Keith ka ardhur aty edhe e kam parë shumë më parë, e kam pritur si klient dhe kemi folur ‘Si je, a je mirë?’ po vetëm kaq. Ne jemi duke u ndjerë shumë mirë me njëri-tjetrin, e kuptojmë njëri-tjetrin jashtëzakonisht shumë. Unë më përpara nuk e kam njohur Keithin, as Keithi nuk e ka ditur kush jam unë”, ka thënë aktorja në një intervistë duke treguar si lindi lidhja mes tyre.
