Almeda Abazi ka publikuar sot fotot e para pas lindjes së djait të saj Efehan.
Bukuroshja shqiptare ka ndarë disa foto nga surpriza që iu bë ditën që lindi në spital, ku për mirëseardhjen e vogëlushit ishte dekoruar dhoma e saj me tullumbace, lule dhe ëmbëlsira (lexo këtu).
Por mami Almeda ka dhënë edhe një lajm tjetër pas lindjes. Ish-miss Shqipëria ka treguar se ka ruajtur qelizat staminale që merren gjatë lindjes nga kordoni, për të siguruar të ardhmen e shëndetit të djalit por edhe familjes.
“Qelizat staminale të mbledhura gjatë lindjes së fëmijës mund të përdoren për vetë bebin ose vëllezërit dhe motrat e tij, ose edhe anëtarët e familjes. Qelizat staminale mund të gjendet vetëm në fillimin e jetës”, shkruan Almeda në foton e publikuar në Instagram.
Djali lindi në orën 5:12 të mëngjesit të datës 5 maj, në një spital privat në Stamboll, me peshën 3 kilogramë e 285 gramë dhe gjatësi 50 centimetra. Të njëjtën gjë bëri edhe këngëtarja Xhensila Myrtezaj gjatë lindjes së vajzës së saj Ajka, për të siguruar të ardhmen e shëndetit të familjes.
