Emri i saj ka qënë nga më të komentuarit nëpër të gjitha mediat rozë kohët e fundit. Khloe Kardashashian po përflitet për lidhjen e saj me Tristan Thompson dhe tradhtinë e tij ndaj saj për të dytën herë.
Pak javë më parë, i dashuri i Khloe, Tristan u largua nga një klub me dy vajza dhe menjëherë qarkulloi lajmi se ai po e tradhtonte sërish.
Kjo ngjarje aspak e këndshme duket se e ka lënduar yllin e “Keeping Up With the Kardashians”, e cila pavarësisht thashethemeve ka zgjedhur të jetojë e lumtur me partnerin e saj dhe t’i besojë atij plotësisht.
Ajo e ka treguar këtë përmes postimeve në rrjete sociale me shprehje që duket se janë të përshtatura për gjendjen e saj momentale.
“Nëse keni qenë brutalisht të lënduar, por akoma keni guximin të jeni të butë ndaj qenieve të tjera të gjalla, atëherë ju jeni një njeri i fortë me zemër engjëlli” – shkruhej në postimin e Khloe-t.
Kjo nuk është hera e parë që Khloe ka postuar diçka të tillë në Instagram. Vetëm tre ditë më parë, ajo publikoi një citim tjetër të vërtetë dhe të ngjashëm me jetën e saj: “Mos u ndjeni kurrë keq nëse keni marrë një vendimpër jetën tuaj që shqetëson njerëzit e tjerë. Ju nuk jeni përgjegjës për lumturinë e tyre. Ju jeni përgjegjës për lumturinë tuaj. Kushdo që dëshiron që ju të jetoni në mjerim për lumturinë e tyre, nuk duhet të jetë në jetën tuaj”.
