Ka patur thashetheme se Rege-Jean Page është në bisedime me Netflix për t’u rikthyer për sezonin e tretë të shfaqjes hit “Bridgerton”.
Nëse nuk e dini, Rege nuk ishte i përfshirë në sezonin e dytë të serialit në “Netflix”. Ai luajti në sezonin e parë rolin kryesor së bashku me Phoebe Dynevor.
Por nëse po prisnit reagimin e tij, Page i është përgjigjur thashethemeve se mund të rikthehet në sezonin e tretë.
Rege-Jean Page postoi një foto të tij me ish-partnerin Jonathan Bailey në shfaqjen e Armani-t në Milano, Itali.
Në mbishkrimin e njërës prej fotove në Instagram, ai shkroi: “(Jo, nuk do të kthehem në emisionin – gazetat e trilluan këtë lajm.) Por ne patëm ritakimin më të mirë dhe më elegant që kap patur për një kohë vërtet të gjatë. Një kafe e shkëlqyer italiane me disa rreze dielli ☕️”
Historia e dashurisë së Dukës së Hastings me Daphne Bridgerton (Phoebe Dynevor) u shënua si një hit nga shikuesit e Netflix, dhe për serinë e dytë, shfaqja eksploroi romancën midis Anthony Bridgerton (Jonathan Bailey) dhe Kate Sharma (Simone Ashley).
Por tani duket se Regé-Jean nuk ka plane të rikthehet për serialin e ri, lajm ky që do zhgënjejë shumë fansa të Dukës së famshëm.
