Pas lëkundjeve të fuqishme të tërmetit, të cilat shkundën Shqipërinë orët e para të mëngjesit të sotëm, Presidenca ka ulur flamurin shqiptar në gjysmë shtizë.
Ky veprim është bërë në shenjë nderimi dhe solidarizimi me viktimat që humbën jetën në mënyrë tragjike për shkak të dëmeve që shkaktoi tërmeti.
“Në nderim të jetëve të humbura nga kjo fatkeqësi e madhe për mbarë vendin tonë flamuri kombëtar në institucionin e presidentit do të ulet në gjysmë shtizë”- është shprehur presidenti Meta.
