Është padyshim një nga artistet më të sukseshme ndërkombëtare që po na bën krenarë çdo ditë me arritjet e saj.
Gjatë karantinës, Dua publikoi albumin e saj që mban emrin “Future Nostalgia” dhe pati një sukses të jashtëzakonshëm.
Dua tregoi aso kohe se kishte qenë e dyjëzuar nëse duhet ta publikonte albumin në kohë pandemia apo jo dhe në fund e mori vendimin për ‘po’ dhe shumë mirë bëri.
Megjithatë, duket se Covid-19 ia ka lënë në gjysmë planet e saj dhe vetëm disa nga projektet erdhën të realizuara me videoklipe.
Mirëpo, tashmë që situata është përmirësuar, 24-vjeçarja është duke realizuar një tjetër videoklip dhe bëhet fjalë për këngën “Hallucinate”. Ka qenë vetë autorja e hitit “New rules” që ka bërë me dije lajmin për fansat nëpërmjet një postimi në Instagram, ku njofton se kënga do publikohet më 10 korrik.
https://www.instagram.com/p/CCLeLQ7sr_k/?utm_source=ig_web_copy_link
Dua po shijon suksesin si e vetmja artiste femër që arrin e vetme 3 këngë me nga 1 miliard klikime në Spotify.
“IDGAF”, kënga e fundit nga albumin i saj debutues ka tejkaluar shifrën e 1 miliard klikimeve disa ditë më parë dhe tani, Dua Lipa ka 3 këngë me mbi 1 miliard klikime: “New Rules”, “One Kiss” dhe “IDGAF”.
Ky rekord duket se nuk do të ndalet këtu, pasi “Dont start now”, gjithashtu po arrin gati në miliard, aktualisht qëndron në 944 milionë.
Së shpejti, Dua Lipa do të fillojë punën për një këngë të re për albumin dhe sipas thashethemeve pjesë e saj do jetë edhe i dashuri i këngëtares, Anwar Hadid.
Sakaq, në një intervistë për “Music Week”, menaxheri i Dua Lipës, Ben Mawson teksa fliste për albumin e saj të fundit “Future Nostalgia”, tregoi se Dua ishte ndikuar shumë nga albumi “Confessions on a Dancefloor” nga Madonna dhe se të dy përmbajnë këngë të prodhuara nga Stuart Price.
Kështu, menaxheri u pyet nëse Dua Lipa mund të jetë Madonna e ardhshme, ndërsa ai rrëfeu se kur e ka takuar në fillim këngëtaren shqiptare, ajo i ka treguar se aspironte të bëhej si Madonna.
Gjithashtu, Mawson tregoi për një bashkëpunim të mundshëm mes Duas dhe Madonna-s që nëse do të ndodhte, do të thyente rrjetin.
