Dua Lipa vijon të jetë në qendër të vëmendjes. Ajo ndodhet ende në Prishtinë edhe pse Sunny Hill Festival mbaroi.
Dua po viziton vende të Prishtinës ku nuk ngurron t’i publikojë edhe në rrjete sociale. Së fundmi, ajo ka qenë në ‘Manifesta 14’. Jo vetëm kaq por ai i ka ftuar të gjithë që ta vizitojnë këtë ekspozitë arti.
Këngëtarja me famë botërore gjithashtu ka publikuar edhe një poezi të poetes Elona Beqiraj
“E dua emrin tim, sepse tingëllon si mëmëdheu i prindërve të mi/ E dua tokën e rrethuar nga malet ku gjyshërit e mi luftuan/ E dua ushqimin që gratë tona e bëjnë të jetë gjithçka nga asgjëja/E dua gjuhën që ishte e ndaluar dhe u mësua fshehurazi në bodrumet e shtëpive/E dua emrin tim sepse tingëllon si shtëpia të cilën ata nuk mundën të na e merrnin”- thuhet në poezi.
Postimi i plotë i Dua-s:
“Dje shkova në @manifestabiennial i cili aktualisht po mbahet në Prishtinë, Kosovë. Ka instalacione të pabesueshme të artit dhe ekspozita publike në të gjithë qytetin, por veçanërisht në vendet që kanë nevojë për pak dashuri dhe vitalitet. Ekspozita kryesore mbahet në The Grand Hotel i cili tani është braktisur me përjashtim të ngjarjeve të rastësishme private. Është një ekspozitë e mrekullueshme që pret artistë nga Kosova dhe nga e gjithë bota dhe ju bëj thirrje nëse nuk keni qenë ende ose po mendoni të shkoni, kjo është në listën e gjërave që DUHET të bëni në Prishtinë këtë verë!! #manifesta14”.
