Loredana Zefi dhe Mozzik u bënë prindër për herë të parë në dhjetor.
Pas skandalit ku u akuzua për zhvatje dhe kërcënim, Loredana po i kushton këto ditë kohë vajzës së tyre dhe sot, postoi në Instagram disa foto me Hanën.
Hana është tashmë 5 muajshe dhe duket se i ngjan përherë e më shumë të atit, Mozzik-ut.
Pas rremetit të akuzave ndaj saj për zhvatjen dhe kërcënimin me qëllim përfitimin e 900 mijë frangave, Loredana është shenjestruar nga fansat dhe vendosi të anulojë gjithë datat e koncerteve.
Ndërkaq, Mozzik ka paralajmëruar një video të re me reperin Dardan, të këngës “Hood Stars”.
Edhe Loredana, pak ditë pas publikimit të padisë ndaj saj, la të kuptohej do të sillte një video të re.
Madje, mediat zvicerane publikuan edhe pamje të shkrepura nga xhirimet, ku ajo dukej si gangstere me armë dhe syze.
Megjithatë, nuk dihet nëse do të publikohet apo jo.
