Ashtu siç kishte paralajmëruar kryeministri Edi Rama në një komunikim të drejtpërdrejtë në Facebook, foli për vrasjen e Klodian Rashës nga efektivi i policisë. Ai shtoi se i takon drejtësisë të vendosë për këtë ngjarje të pashpjegueshm.
“E kam parë qartë se fjalët janë të pafuqishme përballë dhimbjes që përjetonin familjarët. Përveç Drejtësisë për viktimën nuk mbetet asgjë tjetër. Efektivi i policisë ka vrarë një njeri në mënyrën më të pashpjegueshme deri më tani. Pavarësisht faktit se vrasja është kryer nga një njeri te një njeri tjetër arma ishte e shteti ndaj ndjesa i takon shtetit. Patjetër autori do të hetohet dhe gjykohet nga organet 4 drejtësisë. Akti i tij është fare i pakuptueshëm, është drejtësia që thotë fjalën e fundit. Sado padiskutueshme të jetë fajësia e efektivit të policisë drejtësia ka nevojë ta dëgjojë edhe atë. Ndjenja e revoltës së menjëhershme është e domosdoshme që të mos humbasin reflektimin.”
Ai po ashtu njoftoi dorëheqjen e ministrit të Brendshëm Sandër Lleshaj.
Rama tha se është i kënaqur me përgjegjësinë që mori ministri për shkak të vrasjes së Klodian Rashës nga efektivi i policisë Nevaldo Hajdaraj.
Menjëherë pas marrjes së njoftimit për ngjarjen, ministri i Brendshëm më ka informuar dhe vënë në dispozicion dorëheqjen e tij. Dhe jo vetëm për të larë gojën, po duke më shpjeguar pse tërheqja e tij nga posti i lartë, ishte rruga e duhur për të personalisht, për mua që i kam besuar atë detyrë dhe për qeverinë e shumicën tonë qeverisëse.
I kam thënë të më presë të kthehem, sepse kam dashur ta shoh në sy, ta dëgjoj e të më dëgjojë, e të jem bashkë me të në momentin e hedhjes së këtij hapi të rëndësishëm. Jemi takuar sot dhe jam shumë krenar për sensin e përgjegjshmërisë qytetare dhe kuotën morale me të cilën e mat veten e detyrën e tij Sandër Lleshaj. Unë e kam ditur, sot le ta mësojnë të gjithë ata që duan të besojnë tek fakti se në këtë vend nuk janë të gjithë njësoj. Ai s’ka asnjë lidhje me aktin e rëndë të efektivit të policisë. As direkt, as indirekt. Por është vrarë një djalë 25 vjecar dhe është hapur një varr në shpirtin e një familjeje shqiptare, e është krijuar një brengë në shpirtin e një populli të tërë.
Mbrëmjen e djeshme, kryeqyteti u përfshi në protestë masive ku qytetarë të shumtë u mblodhën para Ministrisë së Brendshme duke kërkuar dorëheqjen e ministrit Sandër Lleshaj.
Më pas ata u zhvendosën drejt Kryeministrisë, ku kanë tentuar të hyjnë brenda por nuk ia kanë dalë. Në orën 22:00 protestuesit marshuan drejt shtëpisë së Klodian Rashës, ku edhe ndezën qiri në kujtim të 25-vjeçarit.
Protesta ishte e dhunshme pasi u dëmtuan dhe dogjën disa objekte si edhe u lënduan 9 efektivë, 3 prej të cilëve u shtruan në spital në gjendje të rëndë, pasi kanë marrë dëmtime serioze në kokë dhe në trup.
Sakaq, protesta paqësore pati edhe në qytete të tjera, si Vlorë, Elbasan, Durrës, Gjirokastër, Berat.
Ngjarja e rëndë ndodhi dy ditë më parë në Laprakë, kur efektivi qëlloi dy herë me armën e shërbimit të riun, pasi nuk pranoi të ndalonte kur i bëri thirrje. Klodian Rasha u qëllua në shpinë sipas ekspertizës paraprake dhe ka ndërruar jetë në vendngjarje.
