Brenda një kohe shumë të shkurtër Tayna u shndërrua në reperen më të famshme brenda trojeve shqiptare dhe sot numëron miliona fansa dhe çdo gjë që ajo bën merr vëmendje maksimale tek ndjekësit.
Së fundmi ajo ka treguar nëpërmjet një videoje të publikuar në “InstaStory” se pas shumë kohësh ka marrë një iniciativë, ku shumë femra e gjejnë veten.
“Sot e kam marrë këtë iniciativë, me vesh fustan pas shumë kohësh”, ka shkruar Tayna krahas imazheve ku duket mjaft tërheqëse.
Dhe siç duket, me rritjen e temperaturave, reperja ka vendosur që të heqë dorë momentalisht nga pantollonat dhe shumë mirë ka bërë pasi i vuri flakën rrjetit!
Kujtojmë se “Ti harro”, bashkëpunimi i parë mes Taynës dhe Azet rezultoi një hit i vërtetë i kësaj vere. Kjo këngë ka arritur një super sukses në një kohë shumë të shkurtër.
Mirëpo Tayna dhe Azet nuk i kanë mbyllur ende punët me njëri-tjetrin dhe së shpejti do të vijnë me një tjetër bashkëpunim. Burime për “Prive” kanë bërë të ditur se Tayna dhe Azet do të mbyllin verën në muajin gusht me një tjetër duet. Është mësuar se projekti i dytë i reperëve mban titullin “Tekila” dhe do të jetë një miks mes dy gjuhëve, shqip dhe gjermanisht. Paraprakisht Tayna do të publikojë dy këngë të tjera, një solo me videoklip të realizuar në Shqipëri dhe një bashkëpunim tjetër. Siç duket Tayna do të jetë kryefjala e këtij sezoni dhe kjo falë punës së saj dhe përkushtimit total në muzikë.
Ndërkohë më herët është raportuar se Tayna ka bashkuar forcat për një tjetër duet me një reper shumë të njohur shqiptar. Bëhet fjalë për Don Xhonin, i cili ka marrë një famë shumë të madhe në një hark kohor prej 1 viti. Dyshja do të vijnë shumë shpejt me një bashkëpunim, që ndryshe nga “Magdalena” me Florin nuk do të ketë në qendër një histori dashurie.
