Të premten e kaluar, dy konkurrentët e “Për’puthen”, Edi dhe Bashkimi janë përfshirë në një konflikt të madh që për pak degradoi në përplasje fizike.
Në momentin që Bashkimi po komentonte takimin e Argjentit dhe Mikelës, Edi iu kthye duke i thënë që të mos komentojë dhe se takimi mes dyshes nuk ishte punë për të.
Pastaj debati u agravua deri në atë pikë që u desh ndërhyrja mes konkurrentëve të tjerë për të qetësuar situatën.
Ndërkohë, duket se gjërat janë qetësuar dhe sot dy djemtë janë përballuar me njëri-tjetrin në studio.
Ai që i çuditi të gjithë ishte Edi pasi në fillim i kërkoi falje Bashkimit, familjes së tij dhe më pas Mikelës. Konkurrenti u shpreh se në realitet nuk është siç u duk të premten dhe se kishte dalë nga vetja. Po ashtu, ai tha se ishte i prekur nga fakti që publiku po e kritikon dhe tall për shkak se nuk flet mirë shqipen.
Ky veprim nga ana tij i habiti të gjithë duke qenë se kur iu kërkua ditën e sherrit që të reflektonte, ai tha se kështu është rritur dhe kështu di të sillet.
Ndërkohë, edhe Bashkimi kërkoi falje për gjithë situatën e krijuar dhe si përfundim gjërat mes tyre u rregulluan.
View this post on Instagram
