Kjo verë përfundimisht do të jetë fantastike edhe nëse zgjidhni të mos shkoni me pushime, por të qëndroni në kryeqytet.
Pas dy koncerteve gjigante të mbajtura në sheshin “Skënderbej” më 1 dhe 3 qershor, ai i Ermal Metës dhe i Rita Orës, një tjetër këngëtare e suksesshme me origjinë shqiptare do të vizitojë kryeqytetin për të performuar.
Eleni Foureira, këngëtarja shqiptare e cila përfaqësoi Qipron në “Eurosong” dhe u rendit e dyta, do të mbajë një koncert gjigand në Tiranë më 25 korrik.
Vetë këngëtarja publikoi datat e turneut të saj muzikor në Instagram. Kryesisht vendet që ajo ka zgjedhur janë Qipro, Spanja, Greqia, Anglia dhe Holanda.
