Mbrëmjen e kaluar në misionin “Stop” u bë publike historia e një pedagogu në Elbasan, i cili kërkonte favore seksuale kundrejt një studenteje.
Menjëherë pas publikimit të pamjeve filmike, Denis Himçi u arrestua nga policia dhe pritet që së shpejti të përballet me akuzat.
Por mesa duket, ky veprim i tij do i ndikojë shumë edhe në profesionin e tij, pasi në një njoftim të bërë nga Universiteti i Elbasanit, thuhet se pedagogu është pezulluar edhe nga puna.
Në njoftim thuhet se Denis Himçi do të jetë i pezulluar nga procesi mësimor derisa të zbardhen ngjarja e plotë.
Denis Himçi ishte pedagog në fakulteti e “Gjuhëve të Huaja” dhe në videot e publikuara ai i kërkonte me ngulm studentes puthje dhe më pas favore të tjera seksuale.
