Një debat ka ndodhur së fundmi në “Dance Albania”, konkretisht mes Visjan Ukcenajt dhe kryetarit të jurisë, Ilir Shaqirit.
E gjitha situata e agravuar ka ardhur si pasojë e komenteve të Ilirit, gjë që Visjanit nuk i kanë pëlqyer.
Aktori theksoi se Iliri i ka dhënë të njëjtin vlerësim dy herë rresht dhe ka bërë të njëjtin koment.
“Nëse edhe sot më bën të të jap të njëjtin vleresim, duhet të të vijë zor”, iu kthye Iliri më pas.
“Duhet të të vijë zor ty, nëse më thua të njëjtat gjëra”,- vijoi më tej debatin aktori i humorit.
Mirëpo, Visjanit nuk i ka dalë inati dhe sërish sot ka bërë një tjetër reagim.
“Sa keq më vjen që kryetari i jurisë nuk e kuptoi që fjala klon nuk është ofendim, është diçka shkencore, që është bërë, shkenca e ka arritur. Klon do të thotë që ekzistojnë dy individë si ti, me të njëjtin ADN, pra biologjikisht, fizikisht je i njëjti. Por, je dy, janë dy si ti, ky është kloni. E thashë duke marrë spunto nga dy javët e kaluara, ku javën e parë më dha të njëjtat pikë dhe më tha të njëjtën gjë, javën e dytë që kisha një kërcim shumë më të bukur, me padjeshka super të vështira më dha të njëjtat pikë dhe më tha të njëjtën batutë. Kjo gjë, automatikisht më bën të mendoj se po luajmë me dy standarde dhe po e bën qëllimisht dhe nuk dua ta besoj që ky është Iliri i vërtetë, se ai është super artist”,- tha Visjani.
