Sot është puntata e fundit e emisionit “Ftesë në 5” në Top Channel, të moderuar nga Bieta Sulo, e cila gjatë këtij viti na shoqëroi çdo pasdite në ekran me të ftuarit e saj.
Siç dihet, sezoni i ri televiz që nis në shtator do të sjellë ndryshime në ekran. Merkato e televizioneve ka ndryshuar oraret, ka shkëmbyer moderatorët dhe do të sjellë programe të reja. Megjithatë, ky nuk është rasti i Bieta Sulos.
Në një prononcim për “classlifestyle.com”, moderatorja ka treguar se në shtator do ta shohim sërish në ekran me të njëjtin emision, i cili këtë sezon u prit mjaft mirë nga publiku shqiptar. S’mbetet gjë tjetër veçse t’i urojmë suksese Bietës me njërin prej programeve më të ndjekur për shqiptarët!
Kujtojmë se që prej ditës së djeshme po përflitet se sezoni i ri do të sjellë në prime time në “Klan” një emision të Bes Kallakut, Olsi Bylykut dhe Marina Vjollcës, e cila pas dy vitesh do të rikthehet në televizion.
