BabaStars është në krizë kohët e fundit, pasi shumë prej reperëve që janë pjesë e labelit muzikor, kanë deklaruar shkëputjen prej tij.
Në fillim ishte Skivi u largua, pastaj Cozman dhe Agon Amiga lajmëruan fansat se do të vijonin karrierën e tyre solo.
Dhe përkundrejt këtyre përçarjeve të grupit, Getoar Selimi nuk ka dhënë asnjë deklaratë. Përkundrazi, ai duket se është më i fokusuar se kurrë në disa projekte të reja solo por edhe në bashkëpunim.
“Lajmi.net” shkruan se bashkëpunimi më i papritur që do të vijë, është ai me reperin e përfolur të momentit, Fero.
Sipas disa burimeve media njofton se po planifikohet një super duet mes dy reperëve.
Për ta konfirmuar këtë, “lajmi.net” ka kontaktuar me menaxherin e Feros, i cili tha fjalë të mëdha për Getin dhe nuk e mohoj kategorikisht se diçka e tillë mund të ndodhë.
Ai nuk e përjashtoi si mundësi një gjë të tillë mirëpo shtoi se nuk ka asgjë konkrete deri në këtë moment.
Reagime ka pasur edhe nga menaxheri i BabaStars, Dekorim Sahitin i cili tha se nuk e kanë njëherë për njëherë një plan të tillë. I pyetur nëse kjo mund të ndodhë në ndonjë të ardhme të afërt përgjigja e tij ishte: Gjithçka mund të ndodhë!
