Për herë të parë Elvana Gjata do performojë në Kosovë, me rastin e 11-vjetorit të Pavarësisë, pas ngjarjes së rëndë që ndodhi në ish-Bllok, ku mbeti i vrarë një person dhe të plagosur dy të tjerë, ku u përfshi edhe emri i këngëtares.
Rikthimi i saj në skenë vjen pas një mungese të gjatë, më saktë që prej tetorit të vitit të kaluar.
Pak çaste para koncertit, Elvana ka zhvilluar një intervistë me moderatorin Alaudin Hamiti për “Klan Kosova” prej ku ka rrëfyer se së shpejti pritet të publikojë një projekt të ri muzikor.
Pa diskutim kjo ka gëzuar pa masë të gjithë fansat e këngëtares që mezi presin këngën e radhës. Si duket, rikthimi i Elvanës do jetë mjaft i fuqishëm!
