Reperi i njohur, Buta ka qenë së fundmi në vëmendjen e të gjithëve, pas ngjarjes së rëndë ku u përfshi vëllai i tij.
Qëndrim Januzi, vëllai i reperit, akuzohet për vrasjen e 30-vjeçarit Gazmend Hyseni.
Asokohe, Buta bëri disa reagime në rrjete sociale, ku theksoi se do të anulonte të gjitha koncertet e tij.
“Për shkak të rastit që ka ndodhur, si shenjë respekti ndaj familjes Hyseni kemi vendosur me i anuluar të gjitha datat deri në një kohë të pacaktuar. Gjithashtu e gjithë familja jonë shpreh shumë keqardhje për fatkeqësinë që ka ndodhur”,- shkruante ai.
Më herët, reperi publikoi një tjetër postim, ku shkroi se ishte falënderues për mesazhet mbështetëse për vëllanë e tij.
“I falënderoj krejt për mesazhet mbështetëse për Qëndrimin, se nuk po mundem me ua kthyer krejtve. E mediave portaleve e gazetarëve duhet me iu ardhë marre për krejt këto rrena, shpifje e njëllosje që mezi presin me i shpik për dy klikime më shumë. Shyqyr njerëzit janë të mençur e shohin përtej rrenave të juaja e nuk ndikohen kaq shumë sa doni ju”.
Por së fundmi, reperi është rikthyer!
Ai do të vijojë me koncertet e tij, ku pak orë më parë bëri me dije se do të performojë në një nga ‘clubet’ e Tiranës.
“Tiranë u bë një kohë”, shkruan reperi.
