Në shtator të këtij viti, pa pritur e pa lajmëruar, Fero u zhduk nga rrjetet sociale duke merakosur fansat e tij.
Ai çaktivizoi llogarinë e tij në Instagram dhe të gjithë u bënë kuriozë të mësonin ç’po kurdiste Fero.
Siç zbuloi “Prive”, gjatë kësaj kohe reperi ka qëndruar më shumë në studion e tij “Gang Gang Entertainment” ku po punon në albumin e tij të dytë e po ashtu për artistët e tjerë.
Ai po planifikon të rikthehet fuqishëm në muzikë me projekte të reja, të cilat fansat mezi i presin.
Madje, të njëjtat burime zbulojnë tashmë edhe emrin e albumit të ri të Feros, i cili do të titullohet “Goat”.
Ky album pritet të jetë një ndër më të suksesshmit dhe do të përfshijë bashkëpunime me reperë të njohur, ku përmendim edhe Capital Bra apo Stresin.
Mbrëmjen e sotme, Fero është “rikthyer” në Instagram pas një mungese të gjatë.
Në fakt, ai nuk ka aktivizuar llogarinë e tij por është shfaqur në një video në InstaStory-n e Arbenitës.
Si dy zogj të dashuruar, ata kanë qëndruar pranë njëri-tjetrit duke u përkëdhelur, pa treguar se në ç’vend ndodhen.
“Babyyyy”- është shkrimi me të cilin Arbenita ka shoqëruar videon me partnerin ende “të zhdukur” nga rrjetet sociale.
