Luana Vjollca ka treguar se është një bletë punëtore e vërtetë, duke ju përkushtuar në maksimum punës si aurore dhe moderatore e emisionit “Shiko kush luan”. Ajo ka treguar se thuajse gjithë ditën e saj e kalon duke punuar sa në zyrë e në studio, madje në shumicën e rasteve i është dashur të lërë punën gjatë mesnatës.
Megjithatë duket se ka diçka që mund ta qetësojë Luanën e ta relaksojë pas një ditë super të lodhshme. Moderatorja ka treguar se mbrëmjen e djeshme ka marrë një dhuratë shumë speciale, një tufë me lule të bukura që i kanë shtuar disa doza pozitiviteti ditës së saj.
“Pas kaq shumë orëve punë kjo ishte dhurata më e bukur për t’u çlodhur paksa”, ka shkruar Luana.
Bashkë me lulet ajo ka marrë dhe një pusullë, por këtë të fundit nuk e ka zbuluar duke e lënë sekret dhuruesin e luleve. Kjo nuk është hera e parë që Luana merr të tilla surpriza në zyrë dhe sa herë që i shikojmë menjëherë na shkon mendja tek partneri i saj, Krenar Cocaj. Ata të dy nuk kanë preferuar ta bëjnë ende lidhjen e tyre publike, ndaj ndoshta mund të kenë vendosur që ta mbajnë sekret dhuruesin e fshehtë të luleve.
Ditën e djeshme Luana zbuloi se po sjell një këngë të re, vijën melodike të së cilës e ka shkruar vetë për herë të parë. Por nga një vëzhgim i shpejtë në Instagram “iconstyle.al” ka vënë re se moderatorja ka nisur të ndiqet me reperin nga Puerto-Rica, Guaynaa, gjë që na bën të dyshojmë se mund të sjellin një bashkëpunim me njëri-tjetrin. Megjithatë, duhet ende të presim që zërat të konfirmohen nga vetë Luana, ose të mohohen. (Kliko)
