Camila Cabello ka njoftuar se po merr pushim nga rrjetet sociale. Të dielën, këngëtarja 24-vjeçare postoi në Instagram për të informuar 59.5 milionë ndjekësit e saj se do të ishte jashtë linje deri në fund të vitit.
Duke shkuar në një detoksikim në rrjetet sociale deri në vitin e ri. Thjesht dua të kaloj më pak kohë në telefonin tim këtë javë. Ju dua të gjithëve.
Këngëtarja ka qenë e angazhuar gjatë festave të fundvitit. Javën e kaluar, ajo performoi një version të klasikes festive “I’ll Be Home For Christmas” për Presidentin Joe Biden dhe Zonjën e Parë Jill Biden në Shtëpinë e Bardhë. Camila iu bashkua “Mariachi Herencia de México”, një grup prej dhjetë anëtarësh nga Çikago, për koncertin që u transmetua më 21 dhjetor gjatë shfaqjes speciale në Shtëpinë e Bardhë: “Spirit of the Season”. Këngëtarja ndau një klip të performancës të saj në Instagram dhe shkroi:
Një nder i jashtëzakonshëm të performoj sërish në Shtëpinë e Bardhë. Ju uroj të gjithëve një festë të mrekullueshme me të dashurit tuaj.
