Pas aludimeve të shumta dhe përpjekjeve të tyre fillestare për t’i mohuar këto lajme, Jennifer Lopez dhe Alex Rodriguez kanë konfirmuar ndarjen para pak ditësh.
Alex Rodriguez është fotografuar për herë të parë duke udhëtuar me avionin e tij privat pas ndarjes së bujshme.
Sipas prestigjiozes, “Daily Mail”, thuhet se 45-vjeçari ka shpresa ende se do të pajtohet me J Lo-në.
Mesa duket, ylli i bejsbollit tashmë i është përkushtuar punës dhe kjo ishte edhe arsyeja e udhëtimit të tij vetëm.
Ditë më parë nëpërmjet një deklarate për “Today”, dyshja bënë të ditur se s’do të jenë më bashkë, por do të vazhdojnë të mbeten miq të mirë të njëri-tjetrit, sepse funksionojnë më mirë kështu.
“Kemi kuptuar që shkojmë më mirë si miq dhe të tillë do të mbetemi. Do të vazhdojmë të punojmë bashkë dhe të mbështesim njëri-tjetrin në punët, bizneset dhe projektet tona. I urojmë më të mirën njëri-tjetrit dhe fëmijëve të secilit.Në shenjë respekti, komenti i vetëm që kemi për ju është faleminderit të gjithëve atyre që na kanë mbështetur me fjalët dhe mirësinë e tyre.”- është shprehur dyshja.
Por, cila mund të jetë arsyeja e ndarjes? Vetë J.Lo mund t’i ketë dhënë shenjat me veprimet e fundit në rrjete sociale.
Ajo ka pëlqyer një postim në rrjete sociale ku shkruhej fjalë për fjalë:
“Mos e bëj atë të mendojë se të intereson, kur në fakt s’të ka interesuar kurrë”
“Mos i lejoni t’ju manipulojnë. Sa herë ju kanë thënë ‘të dua’ dhe vazhdojnë t’ju trajtojnë keq?”-vazhdonte postimi, të cilin pëlqeu J.Lo.
Kaq është dashur që fansat të besojnë se këto kanë qenë arsyet pse ata s’janë më bashkë.
