Rauw Alejandro duket se është akoma shumë i ndjeshëm në lidhje me ndarjen e tij.
Artisti i cili ndodhet me turne, ka vendosur që të mos e këndojë më këngën e përbashkët me ish-partneren Rosalia-n, të titulluar “Beso” gjatë shfaqjeve të tij.
Herën e fundit që e performoi, nuk e mbajti dot veten dhe për këtë arsye ka marrë këtë vendim.
Siç duket këndimi i saj e lëndon atë, sepse i ngjall shumë kujtime.
Rosalia dhe Rauw Alejandro u ndanë një muaj më parë. U tha se ka qenë një ndarje miqësore, por është diçka që ka lënë të habitur fansat, pasi marsin e kaluar shpallën fejesën e tyre.
Këtë e bënë përmes videos së këngës së tyre ‘Beso’, ku shfaqen momente të lumtura të tyret dhe një unazë fejese.
