Disa ditë më parë, këngëtari i njohur Robert Berisha dha lajmin e bujshëm se ai dhe Nora Istrefi nuk ishin më bashkë.
Për arsye që mbetën të panjohura për publikun, ata vendosën me mirëkuptim të divorcohen, ndërsa ky lajm trishtoi fansat e çiftit.
Madje, ata organizuan një protestë kundër ndarjes së tyre, duke i ftuar të gjithë të mblidhen në Prishtinë.
Pas lajmit të ndarjes, Nora u nis së bashku me të bijën për pushime dhe këtë e bëri të ditur nëpërmjet disa postimeve në Instagram.
Këngëtarja tregoi se po kalonte kohë me të bijën, mirëpo video e fundit e Robertit po na bën të dyshojmë se ai ndodhet me Norën dhe Renee-n.
Nora tregoi se e kishte dërguar të bijën në një pishinë gjigante ku Renee po argëtohej pa masë.
Mirëpo Roberti publikoi pak më parë në Instastory një video të së bijës nga i njëjti vend ku ajo ndodhet me Norën.
Ende nuk e dimë nëse Roberti po i shoqëron vajzën dhe ish-partneren e tij gjatë pushimeve, apo Nora i ka dërguar atij video të të voglës, duke qenë se çifti ka ruajtur marrëdhënie të mira edhe pas ndarjes.
