Britney Spears është duke bërë procedurat për ndarje nga partneri i saj, Sam Asghari.
Në kërkesën për divorc, Sam ka përmendur “dallimet e papajtueshme” dhe ka kërkuar që artistja të paguajë mbështetjen bashkëshortore dhe tarifat e avokatëve të tij. Ai e konsideroi datën e ndarjes së tyre si 28 korrik, shkruan Page Six.
Asghari u tha që “po përpiqet të negociojë koncesione përtej martesës së tij dhe kërcënon të dalë publikisht me informacione jashtëzakonisht të sikletshme për Britneyn nëse nuk paguhet”.
Ndërkohë ajo ka mbyllur llogarinë e saj zyrtare në Instagram.
Thashethemet se 29-vjeçari dhe 41-vjeçarja ishin në krizë martesore kanë qarkulluar për një kohë mes raportimeve se të dy jetonin të ndarë për një kohë të gjatë.
Pas kërkesës për divorc, Sam dyshohet se po kërcënon të nxjerrë informacione ‘jashtëzakonisht të turpshme’ për Britney Spears nëse ajo nuk pranon të rinegociojë kontratën e tyre paramartesore. Ai po kërkon një pagë më të madhe se sa kishin rënë dakord fillimisht në këmbim të heshtjes së tij.
Nuk dihet ende nëse Sam do të jetë në gjendje të marrë një pjesë të parave.
