Pak ditë më parë Loredana hodhi në treg albumin e saj të parë dhe për ta promovuar organizoi një event mes miq dhe të afërmish.
Edhe pse eventin e zhvilloi në Berlin, për ta mbështetur kishte edhe personazhe të njohur shqiptarë, si Kida, Getinjo apo Dhurata Dora. Albumi mban titullin “King Lori” dhe pjesë e tij janë këngët më të mira të reperes.
Megjithatë duket se të njëjtin plan ka edhe partneri i saj, Mozzik. Nëpërmjet një përgjigjeje për fansat në Instastory, reperi ka zbuluar se me shamë mundësi së shpejti do hedhë në treg albumin e tij.
“Detaje rreth albumit”, e pyet një fans.
“Secila këngë “HIT”, shkruan reperi duke lënë të kuptohet se albumi i tij do të mbajë emrin “HIT”.
Mozzik nuk ka dashur të zbulojë më shumë detaje, megjithatë ai kohët e fundit është duke punuar për projekte të reja.
