Më 14 janar Alban Skënderaj dhe Miriam Cani u bënë prindër për herë të dytë.
Miriam solli në jetë një djalë, për të cilin zgjodhën emrin e veçantë Duam, si kënga e tyre e dashurisë.
Pas lindjes Miriami ka preferuar të jetë një nënë me kohë të plotë, ndërsa Albani po i rikthehet karrierës së tij muzikore.
Këngëtari ka në plan të publikojë këngën e tij të re dhe ka zgjedhur një datë të veçantë.
Ai ka rezervuar surprizën për fansat e muzikës së tij më 14 shkurt dhe me siguri do të jetë këngë dashurie, kështu që le të përgatitemi për hitin e radhës.
Kënga e fundit e Albanit është publikuar 8 muaj më parë dhe mezi po e presim projektin e parë muzikor për vitin 2020.
