Pak javë më parë prezantuesja e njohur, Dajan Shabani njoftoi se është larguar përfundimisht nga emisioni i mëngjesit “Ditë e re”.
Vëndin e saj e ka zënë Arjola Shehu dhe Kelvi Kadilli dhe emisioni pritet të startojë sezonin e ri televiziv, në shtator.
E teksa përgatitjet kanë filluar, përgjatë kësaj kohe të gjithë kanë pyetur se çfarë do të bëhet me personazhin më të spikatur të emisionit Hermes Nikajn dhe nuk dihej nëse ai do të vazhdonte emisionin apo do të largohej.
Megjithatë siç e ka thënë gjithmonë në emision, Zogu i Tiranës nuk i ndahet Dajanës dhe ata do të shfaqen sërish bashkë.
Nëpërmjet një postimi në Instastory Hermesi ka zbuluar se sezonin e ri ai dhe Dajana do të jenë bashkë në një tjetër emision dhe nuk ka zbuluar më tepër detaje.
“Sërish bashkë në një tjetër projekt, së shpejti. Se si, ku, qysh, tek u mbetet veç të prisni”, shkruan Hermesi.
Dajanën dhe Hermesin do i shohim shumë shpejt në ekran dhe tani na mbetet të presim vetëm çfarë do të bëjë me karrierën e tij prezantuesi tjetër i emisionit, Besmir Metani.
