Ditën e djeshme u përhap lajmi se vetëm 1 muaj pas daljes së Stresit nga burgu, martesa mes tij dhe Keisit ishte në krizë. Çifti nuk ndiqej më në Instagram dhe i kishin fshirë fotot me njëri-tjetrin, duke i bërë të gjithë të aludojnë për një ndarje mes tyre.
Disa orë më parë, reperi publikoi në profilin e tij në Instagram një foto ku uronte mikun e ngushtë për ditëlindje, ndërkohë që rrjeti ziente nga lajmi i ndarjes. Të njëjtën gjë ka bërë së fundmi edhe Keisi.
Ajo ka publikuar në Instastory një foto ku shfaqet në restorant, teksa sheh e qeshur nga njëri drejtim, ndërkohë që në sy bie tatuazhi i saj në dorë, i cili mban fjalët e këngës së Stresit: “Për ty krejta i boj, fjalën nënë s’e harroj.”
Mesa duket, as Stresi dhe as Keisi nuk kanë ndërmend të reagojnë në lidhje me lajmin e ndarjes së tyre, duke i lënë të gjithë kuriozë të mësojnë sesi po shkojnë gjërat mes çiftit.
