Familja Kardashian-Jenner do të zgjerohet sërish vitin e ardhshëm. Pas lajmit që shokoi të gjithë fansat, për shtatzëninë e Kylie Jenner, tashmë raportohet se motra e saj më e madhe Khloe është në pritje të fëmijës së saj të parë.
Sipas burimeve të “People”, 33-vjeçarja dhe i dashuri i saj, basketbollisti i NBA, Tristan Thompson, me të cilin është në një lidhje prej shtatorit të 2016-s, presin fëmijë e parë bashkë. 26-vjeçari Thompson ka një djalë të quajtur Prince Oliver me ish-të dashurën e tij Jordan Craige, e cila e solli në jetë në dhjetor të 2016-s.
“Po, Khloe dhe Tristan po presin një fëmijë së bashku dhe janë shumë të lumtur. Nuk ishin duke nxituar për t’ia thënë botës dhe vetëm javët e fundit ia kanë thënë njerëzve të tyre më të afërt”, tha burimi.
Khloe është motra e tretë që do të sjellë në jetë një fëmijë viti e ardhshëm, pas lajmit të shtatzënisë së Kylie Jenner që pret një vajzë me reperin Travis Scott dhe fëmijës së tretë të Kim dhe Kanye që do të vijë në jetë nga një nënë surrogato.
“Gjërat ishin disi të komplikuara pas lajmit të shtatzënisë së Kylie, por ka ardhur një pikë që Khloe nuk do t’i gënjejë më njerëzit dhe qëndrimi në heshtje nuk mund të funksionojë më”, shtoi burimi.
Burimi: People
