Pak ditë më parë, Ermal Mamaqi bëri një deklaratë mbi librat, e cila u komentua shumë. Aktori tha se në këtë periudhë nuk duhet të lexohen romane, por libra që kanë vlerë e që lidhen me profesionin.
“Mos lexoni budalliqe, ka ca që lexojnë romane. Nuk kam gjë kundër tyre, po kush lexon më romane tani! Lexoni libra që kanë vlerë e që lidhen me profesionin tënd dhe situatën që po kalon”, u shpreh moderatori në deklaratën e cila shkaktoi shumë polemika.
Kjo deklaratë e tij nuk është pritur aspak dhe ka patur kritika të ashpra për aktorin e njohur.
Ermali duket se nuk e ka lënë me aq dhe ka vazhduar duke bërë ironi pikërisht me kritikat që ka marrë.
Së fundmi Klaudia Pepa ka publikuar një foto ku shfaqet duke lexuar një libër dhe duke bërë aktivitet fizik.
Sigurisht që kjo foto nuk do kalonte pa u vënë re nga Ermal Mamaqi për të vetmen arsye se në fokus të postimit janë librat dhe kjo është tema më e nxehtë e momentit për të cilën Ermali u kritikua.
“Si stë vjen turp. Si e përdhos ashtu librin. E di ça të bëjnë shqiptarët po ja shkele librin me këmbë? Turp…”, ka komentuar Ermal Mamaqi duke bërë ironi.
Balerina e njohur Klaudia Pepa nuk ka reaguar ende ndaj komentit të aktorit. Ajo duket se po e kalon karantinën shumëmirë dhe e angazhuar plotësisht në realizimin e videove në TikTok.
Vlen të kujtojmë se deklarata e Ermal Mamaqit ku jepte këshilla që njerëzit duhet të lexojnë libra që lidhen me profesionin në vend të romaneve nuk u prit mirë as nga botuesja Arlinda Dudaj e cila i kthyeu përgjigje në një koment ku i thotë se do të mbahet mend si i vetmi opinionbërës që predikon mosleximin.
“Ermal u futa dhe të pashë videon pasi realisht nuk mund ta besoja se mund ta kishe thënë me të vertetë atë që veshët e mi dëgjojnë nga goja jote. Përtej gjithçkaje që mund të kesh pësuar nga lodhja në karantine, pasiguria në të ardhmen, ate e kemi të gjithë nga i pari tek i fundit deri në cepin më të fundit të botës. Ashtu siç e paraqet ti, duket se njeriu duhet të bëjë një gjë, atë që ti beson, duke përjashtuar gjithçka tjetër. Le të mos flasim për diskriminimin moshor edhe gjinor që i ke bërë dhe herë të tjera, po s’ka gjë të kemi falur se e kemi quajtur humor, edhe pse i tillë nuk është. Bukuria do e shpëtojë botën, e ka shpëtuar përherë, këtë nuk e vendos depresioni im apo yti në kohë të caktuara. E njeriu dhe kur të shkojë në punë, rrugës për aty, tek do shkojë për bukën e gojës mund të lexojë romane, se ato romane e libra të zhvillojnë si njeri, të bëjnë njeri. Se në fund të fundit për këtë po flasim në kohë si këto të gjejmë njeriun te vetja. Më vjen keq po do mbahesh mend si opinionbërësi i vetëm në historinë e botës që predikon mosleximin”, ka shkruar Arlinda Dudaj.
