Nëse flasim për biçikletat me siguri në mendje ju vjen vetëm një emër: Lali Eri! Prej kohësh kryebashkiaku i Tiranës ka nisur sensibilizimin për të gjithë qytetarët, që të zëvendësojnë makinat me biçikletat, për të mbrojtur natyrën.
Dhe Dasara Malltezi, e njohur ndryshe si “supermbesa” e ish-kryeministrit Sali Berisha, është në mbështetje të tij.
Ditën e sotme ajo publikoi një foto në “Instagram” të simbolit të njohur si “Crazy Cranium Bicycle” (Kafka me biçikletë).
Ky simbol shpreh përkushtimin deri në vdekje të njerëzve për çiklizmin, apo personat që e përdorin biçikletën.
Pikërisht ky simbol është vendosur tashmë në derën e dhomës së Dasara Malltezit.
Mbesa e ish-kryeministrit Berisha është një fanse e biçikletës dhe këtë e ka shprehur përmes artit.
Nga ana tjetër, ajo duket sikur mbështet nismën e kryebashkiakut Veliaj, i cili është pjesë e krahut të kundërt politik me atë të gjyshit të saj.
Në qershor të 2017-s, Dasara shkroi se qëllimi i saj vitin e kaluar ishte të mësonte të ngiste biçikletën, tani që e arriti ka një lidhje të përjetshme me të.
