Ishte fundi i vitit 2017, ditët e festave, kur këngëtarja Jennifer Lopez u fotografua duke bërë pazar në Beverly Hills me partnerin Alex.
E veshur me një triko të gjatë “Gucci”, JLO spikati me veshjen e saj të veçantë dhe të kushtueshme, pasi kjo triko kushton plot 3980 dollarë në faqen zyrtare të markës së njohur.
Të njëjtën veshje kemi fatin ta shohim te faqja e një prej fashionisteve shqiptare, Erisa Kaçupi, e cila njihet për prurjen e trendeve të fundit të modës në Shqipëri.
Ajo shihet e veshur me trikon “Gucci”, me simbolin e tigrit, të cilën e ka kombinuar me xhinse dhe atletet “Balenciaga”. Kombinimin e veçantë e bën edhe kapelja e kuqe që shkon me vijat në të njëjtën ngjyrë të trikos.
Ndërsa J.Lo kishte veshur çizmet e saj Timberland me xhinse dhe trikon me një logo “Guccy”, që është emri i ndryshuar i shtëpisë së modës, për të cilin, drejtori kreativ Alessandro Michele gjeti frymëzim në Instagram, sipas “Vogue”.
Nuk e dimë se cili nga kombinimet ju pëlqen më shumë, por një gjë është e sigurt: Ne u dashuruam me shikim të parë pas kësaj trikoje!
