Aktori i njohur Alec Baldwin ka mbajtur anën e Chris Rock, pas incidentit që ndodhi në skenën e “Oscars 2022” ku Will Smith goditi me shuplakë komedianin, pasi ai bëri një shaka për flokët e gruas së tij.
Aktori 63-vjeçar postoi në “Twitter” një mesazh për Rock:
“Unë nuk po lexoj shumë rreth asaj se si, apo edhe nëse, producentët morën pjesë në këtë Chris. Por unë të dua, Chris Rock. Dhe më vjen keq që çmimet ‘Oscar’ u shndërruan në shfaqjen e Jerry Springer”- tha ai.
View this post on Instagram
Kujtojmë se Alec Baldwin ndodhet jashtë shtetit në Romë për të filmuar një projekt të ri. Alec nuk është i pari personazh i famshëm që ka reaguar për skandalin e Smith në “Oscars”.
Will nga ana tjetër i kërkoi falje publike Rock të hënën mbrëma.
“Dëshiroj të të kërkoj falje publike, Chris”, ka shkruar ai. “Kapërceva limitin dhe gabova. Jam në siklet dhe veprimet e mia nuk ishin tregues i burrit që dua të jem. Nuk ka vend për dhunë në një botë dashurie dhe mirësie.”
Ai gjithashtu përfshiu në deklaratën e tij edhe një kërkim-falje për “Akademinë, producentët e shfaqjes, të gjithë të pranishmit dhe të gjithë ata që shikojnë anembanë botës, familjes së yjeve të tenisit Venus dhe Serena Williams dhe atyre që janë përfshirë në filmin”.
