Fifi ka folur për personin e saj të zemrës dhe me sa kuptuam, ajo e ka pasur prej vitesh larg atë.
Në një postim të fundit në Instastory, këngëtarja ka folur haptazi për jetën private dhe duke parë përgjigjet e saj, kuptuam pak a shumë burimin e atyre teksteve të dhimbshme të këngëve që bën.
Dikush e ka pyetur nëse mund të rrijë pa personin e zemrës dhe Fifi nuk e ka lënë pa përgjigje.
“Unë kam vite që rri pa të”, është shprehur këngtarja.
Më pas ajo ka lënë të kuptohet se dashuria nuk i është kthyer kurrë në të njëjtën mënyrë si ka dashuruar.
“Zakonisht impresionohem prej të pamundurës. Më pëlqen sfida, ç’të bëj!”
Por a e ka shndërruar Fifi dashurinë e saj në urrejtje, duke qenë se ai nuk ia kthen në të njëjtën mënyrë?
“Jo, thjesht e kam kuptuar që njerëzve duhet t’ju japësh njëherë shumë dhe kur e kupton që po marin e nuk po japin, më pas duhet të sillesh me ta siç sillen me ty”, përgjigjet këngëtarja.
Nuk e dimë nëse këto fjalë i dedikohen historisë së saj të dashurisë me një person me inicialin Xh, të cilin e ka dashur. Fifi ka treguar edhe më herët sesi e ka ushqyer veten në një dashuri të pamundur që s’paska fund të lumtur.
“Ta tregoj për 10 sekonda. Nuk nisi kurrë. Thjesht kam dashuruar unë, m’u desh të kuptoja që nuk do të isha ndonjëherë me të dhe i kam ushqyer vetes një dashuri të pamundur. Në fakt nesër ne nuk e dimë se ç’mund të ndodhë, por ajo dashuri mua më ka bërë shumë mirë. Faleminderit”.
