Reperi Kanye West i cili njihet me emrin zyrtar ‘Ye’, ka qenë së fundmi kryeqendra e mediave, pas skandalit të ekspozimit të tij të pahijshëm në Itali, me të dashurën e tij Bianca Censori e cila ka tërhequr jo pak vëmendjen me paraqitjet e saj gjysmë e zhveshur.
Por duket se pas kësaj ‘furtune’skandalesh, reperi po merr veten dhe po planifikon të rikthehet në muzikë. Burimet kanë thënë për TMZ, se krijuesi i hitit “Stronger” ka përfunduar gati 10 këngë gjatë javës së kaluar.
Ty Dolla Sign, bashkëpunëtori i Ye, thuhet gjithashtu se i është bashkuar atij në studion e regjistrimit me biseda se mund të publikojnë një album të përbashkët ose përpjekje solo.
Rikthimi muzikor i Ye, i cili është përballur me një sërë kritikash muajt e fundit, do të shënonte një arritje në karrierën e tij, pas një periudhe të gjatë shkëputjeje.
