Shkëlzen Berisha, djali i ish-kryeministrit Sali Berisha lakohet në jo pak raste në media për jetën e ti private, sidomos për lidhjen me blogeren Armina Mevlani. Ata prej kohësh bashkëjetojnë dhe shumë shpejt pritet që të organizohet dhe ceremonia e tyre e dasmës.
Mirëpo para se të lidhej me Arminën Shkëlzeni ka qenë i martuar me Sadije Berishën, me të cilën ka edhe dy fëmijë, Medinën dhe Laidonin. Pavarësisht se të ndarë dhe me një angazhim të ri në jetën e tij, Shkëlzeni mundohet gjithmonë të kalojë kohë me fëmijët e tij.
Ai ka postuar së fundmi një foto në Instagram ku shfaqet së bashku me dy fëmijët e tij, të cilët duket se i ngjajnë jashtëzakonisht shumë.
“Ekipi i ëndrrave”, shkruan Shkëlzeni krahas fotos ku tregon se ka nisur pushimet së bashku me fëmijët.
Shumë shpejt ka ardhur edhe komenti i Arminës, e cila ka postuar 4 zemra. Me sa duket ajo ka një marrëdhënie të mirë me fëmijët e partnerit të saj.
