Kristen Stewart dhe e dashura e saj, Dylan Meyer janë fejuar zyrtarisht. Këtë lajm e zbuloi vetë aktorja në emisionin Howard Stern të SiriusXM ditën e djeshme.
“Ne po martohemi, po ndodh”, tha Stewart.
Pasi ky lajm bëri xhiron e rrjetit, Kristen ka zbuluar detaje nga dasma e ardhshme. Aktorja tregoi se dasmën e tyre nuk do ta bëjnë për të paktën një vit për shkak të pandemisë.
“Nuk më interesojnë lulet dhe këto gjëra. Ushqimi duhet të jetë në pikën e duhur”, është shprehur ajo duke shtuar se do një dasmë tradicionale.
Përsa i përket vendodhjes ajo tha se ceremoninë dëshirojnë që ta zhvillojnë në shtëpinë e saj në Los Angeles.
“Është thjesht një justifikim i shkëlqyeshëm për t’u mbledhur dhe për të thënë ‘të dua’ para të gjithë miqve të tu.”, tha ajo.
Kujtojmë se Stewart foli fillimisht për dëshirën për t’u martuar me Meyer në një intervistë të nëntorit 2019 me Howard Stern vetëm disa muaj pasi ata filluan të takoheshin.
Stewart shtoi për lidhjen e tyre, “Ne të dyja jemi nga LA dhe e duam vërtet LA. Ne jemi shumë të ngjashme, por dhe të ndryshme. Ajo është një shkrimtare; ajo është e shkëlqyer.”
Ajo i tha Stern-it se e shihte shumë martesën në të ardhmen e saj me Meyer, duke thënë se “mezi pret” që t’i propozojë Meyer dhe do të martohej “absolutisht”.
