Këngëtari shqiptar, Blero Muharremi duket se po planifikon të rikthehet në muzikë, pas disa vitesh shkëputje për shkak të disa dramave të ndodhura në jetën e tij, e këtu flasim për ndarjen e bujshme nga ish-bashkëshorja e tij Afrona Dika.
Blero nuk ka qenë pothuajse fare aktiv në projekte muzikore, teksa shumë pak na ka treguar për jetën apo përditshmërinë e tij edhe në rrjete sociale.
Së fundmi në një intervistë për ‘Prive’ ai ka treguar se po punon intensivisht në sjelljen e një shfaqje të re muzikore.
Bëhet fjalë për një përmbledhje hitesh të tij, të cilat do të vijnë në një format më të veçantë dhe të riokrestruar.
“Kanë me qenë rreth 10 këngë të miat të cilat i kam zgjedhur t’i bëj në atë format, të cilat janë të njohura për publikun. Dhe kur kam filluar me këtë ide, i kam përzgjedhur edhe producentët edhe njerëzit e tillë të cilët e kanë përmbushur muzikalisht anën time profesionale. Ku me të vërtet po shkon puna shumë më lehtë se sa kam menduar unë sepse edhe atyre u kishte munguar ajo pjesë, kjo energjia e re”, tha këngëtari.
Angazhimi në projekte të reja duket se nuk e ka lënë atë që të gjej kohë për përkushtim në jetën private apo gjetjen e një dashurie të re.
Pëe momentin ai është vetëm duke u kujdesur për vajzën e tij Tarën dhe saherë që nuk është me të, është në studio duke punuar.
“Jam i fokusuar veç kah muzika, absolutisht. Me thënë të drejtën pothuajse 15 orë në studio rri, kështu që kur nuk jam me vajzën, jam në studio duke punuar”, tha Blero.
Këngëtari pak muaj më parë u raportua se kishte nisur një lidhje të re pas ndarjes nga Afrona, por që më pas ishte ndarë edhe nga e dashura tjetër.
