Ricky Martin dhe Juan Joseph kanë vendosur të ndajnë rrugët pas gjashtë vitesh martesë, por deri më tani kanë dashur të mbajnë një profil të ulët sa i përket divorcit dhe të mos japin shumë detaje për publikun.
Megjithatë, këngëtari ka dhënë një intervistë për “Telemundo” dhe ka folur për ndarjen e tyre, ndërsa ka përshkruar reagimin e fëmijëve të tyre kur u është thënë vendimi i tyre.
“Kur publiku ynë e mori vesh, ne kishim kaluar tashmë një proces pikëllimi. Shihemi në sy dhe buzëqeshim, përqafojmë njëri-tjetrin, kalojmë ulje-ngritjet, qajmë dhe qeshim bashkë”, tha ai.
Ai tha se fëmijët nuk panë kurrë ndonjë zënka mes tyre. “Fëmijët nuk panë kurrë një grindje mes meje dhe Juan. Prandaj kanë reaguar. Na thanë “do divorcohesh? Po si do divorcohesh? Pse?“. Ne i zgjidhëm mosmarrëveshjet tona me një diskutim të këndshëm në dhomën tonë”, shpjegon ai.
“Kështu që kur u thamë, ata thanë, ‘OK, a jeni të lumtur? A jeni mirë? Ky është vendimi juaj? Mos e bëni për ne, ne jemi mirë’“, shtoi ai .
Ai përmendi se është i hapur për një lidhje të re në të ardhmen.
“Dua të kaloj mirë, të shijoj jetën. Le ta marrim lehtë, por po, mund ta shoh veten në një lidhje tjetër në të ardhmen. Nuk po flas për të ardhmen e afërt, por më pëlqen të jem i dashuruar. Më pëlqen të jem në një lidhje, të zgjohem në mëngjes me një puthje”, theksoi ai.
