Pas divorcit ish- gruaja e Jeff Bezos-it bëhet një prej më të pasurve në botë: Ja shuma marramendëse

Pas 25 vitesh dhe 4 fëmijësh, në janar themeluesi i Amazon Jeff Bezos dhe MacKenzie Bezos njoftuan se kishin nisur procedurat e divorcit.

Të premten, gjithçka u finalizua mes çiftit dhe hesapet u ndanë sipas dakordësisë së të dyja palëve. MacKenzie përfiton kështu një shumë të madhe aksionesh të Amazon të cilat kanë vlerën e 38 miliardë dollarëve, duke u bërë kështu gruaja e tretë më e pasur në planet, si edhe njeriu i 22-të më i pasur, sipas Indeksit të Miliarderëve të Bloomberg- ut.

Lexo edhe :

Boksieri i njohur vritet në Meksikë gjatë një sulmi për të mbrojtur motrën

23:32 08/12/25

Ngjarja tronditëse pas nofkës ‘Noti’! Labi thotë se djali i tij ka qenë duke u mbytur në det

23:12 08/12/25

Ajo renditet pas Francoise Bettencourt Meyers, gruaja më e pasur në botë, mbesa e themeluesit të L’OREAL. Bettencourt ka një vlerë neto prej 50 miliardë dollarësh.

E dyta më e pasur është Alice Walton, vajza e themeluesit të Walmart. Walton ka një vlerë neto prej rreth 50 miliardë dollarësh.

MacKenzie ka nënshkruar Zotimin për Dhurim, një dokument me anë të së cilit njerëzit më të pasur në botë zotohen se do ta dhurojnë gjysmën e pasurisë për bamirësi.

Nga ana e tij, Jeff Bezos nuk ka pranuar ta nënshkruajë këtë zotim.

Me 121 miliardë dollarë edhe pas divorcit, ai mbetet njeriu më i pasur në botë.