Violinisti i njohur Olen Çezari ka qenë i ftuar në një intervistë në “Ora e Pasdites”, ku ka komentuar deklaratën e reperit Noizy. Pak ditë më parë Noizy shprehu dëshirën për të përfaqësuar Shqipërinë në Eurovision dhe ka folur për këngëtarët që përdorin autotune.
Violinisti Olen Çezari tha se “Noizy është super”, e ndërsa për sa i përket idesë se reperi do të përfaqësojë vendin tonë në Eurovision ai tha vetëm “Pse jo.”
Ndër të tjera Oleni u pyet edhe nëse në të ardhmen mund të ketë ndonjë bashkëpunim mes tij dhe reperit.
“Nuk e di, nuk e njoh personalisht. Di me çfarë merret dhe çfarë bën. Këtu te Festivali kam ftuar komplet zhanër tjetër muzikor, jemi në një tjetër film. Por nuk kam asgjë kundër atij lloj filmi. Noizyn e respektoj, kam dëgjuar në makinë nja 2-3 herë pjesë të atij dhe më kanë pëlqyer të them të drejtën”- u shprejÇezari.
Oleni u pyet gjithashtu nëse ndjen xhelozi që artistët që këndojnë me autotune mbushin plot sallat e club-eve gjatë verës.
“Edhe ato kanë lezetin e vet. Pse jo. Nuk jam kundër, jam totalisht pro. Arti në çfarëdolloj forme të jep një liri mendore. Nëse ata njerëz duan të bëjnë atë lloj muzike me atë lloj autotune, duke thënë atë lloj teksti dhe njerëzve ju pëlqen ajo gjë, pse jo?”, u shpreh ai
