Familja Hoxha ka qenë në qendër të vëmendjes ditët e fundit, pas dasmës madhështore që Sara dhe Ledioni organizuan në Como të Italisë. Ajo që tërhoqi vëmendjen mes tyre ishte Lori, e cila celebroi edhe çiftin.
Lori na surprizoi me veshjet që kishte zgjedhur në këtë ditë të rëndësishme të motrës së saj. Ajo u shfaq më elegante se kurrë dhe me një stil krejt tjetër.
Pas dasmës me sa duket Lori ka vendosur të qëndrojë dhe disa ditë në Itali dhe sot ka vizituar një ndër qytetet më të dashura për të, Romën. Ky është një ndër vendet që ka lënë gjurmë në jetën e saj pasi aty ajo është rritur.
“Më pak se 24 orë në Romë, por ndihem si në shtëpi”, shkruan Lori krahas fotos që ka postuar në Instastory.
Kujtojmë që Lori në këtë qytet ka kaluar fëmijërinë e saj dhe madje po aty ka përfunduar shkollimin.
