Këtë të premte, moderatorja Egzona Rafuna u eleminua nga shtëpia e “Big Brother VIP”.
Ajo u prit në studio me duartrokitje e kritika, teksa opinionistët dhe disa prej ish-banorëve shprehën medimin e tyre se lojën e Egzonës e penalizoi qëllimi i saj për t’i dhënë ‘informacione’ Donaldit.
Gjatë lojës, Egzona u shfaq shumë e afërt ndaj aktorit Veshaj dhe vazhdimisht i jepte këshilla për lojën e tij.
Megjithatë, çfarë nuk kemi ditur është fakti që jashtë shtëpisë, Egzona paska qenë e afërt me Arjola Demirin. Mirëpo, raporti i tyre në shtëpi nuk u duk i tillë.
Sot, në “Big Brother Fan Club”, Egzona u shpreh:
“Jo të gjithë e kanë pritur mirë lajmin, na kanë parë si ca javë të lodhshme me ca banorë që do t’i nxjerrim. Fillova ta urreja si term ‘banorët e rinj’. Gjatë ditëve në vijim diçka nuk do të ecte. Me Arjolën kemi miqësi nga jashtë, mendoja se do të kisha miqësi, kisha mjaftueshëm njohje sa të krijoja këtë miqësi. Nuk e kam ndje afrimitetin, pavarësisht se Arjola ka thënë se e kam prit mirë. Nuk e kam prit që Meridian të më priste aq mirë. Po ashtu edhe me Ilirin që ishte e papritur. Me Donaldin dhe Triksën kam qenë më e afërt”, tha Egzona.
