Një postim i Tayna-s në Instagram paralajmëroi projektin e saj më të ri.
Në spanjisht, Tayna shkruan:
“Askush s’kapet dot me mua” që duket të jetë pjesë nga teksti i këngës së re.
Në fakt, të folurit spanjisht nuk është diçka e re për Tayna-n.
Në fillim të klipit të saj të tretë, “Fake”, vitin e kaluar Tayna thoshte: “Yo soy la reina y el rei del rap” (Unë jam mbretëresha dhe mbreti i repit).
Por, duket se përdorimi i gjuhës spanjolle është kthyer në një trend edhe për këngëtarët shqiptarë tani që muzika latine ka pushtuar botën me plot kuptimin e fjalës. Artistë si Maluma, Daddy Yankee, J Balvin, Rosalia, Aitana, janë bërë aq të famshëm në internet saqë tani, janë yjet e muzikës amerikane ata që u kërkojnë bashkëpunime.
Madonna zgjodhi Malumën për single-in kryesor të albumit të saj të 14-të, “Madame X”: “Medelin”.
J Balvin bashkëpunoi me David Guetta-n dhe Bebe Rexhën për këngën “Say my name”.
Rosalia gjithashtu bashkëpunoi për një nga single-at e albumit të ri të James Blake-ut, “Barefoot in the park”.
Kështu që nuk është aspak çudi që edhe artistet tona tentojnë jo më drejt tregut amerikan por drejt tregut ku dëgjohet muzikë latine.
Dafina Zeqiri duket se investoi shumë për klipin e këngës së saj të re “La Reina”, që është qartaz një tentantivë për tregun latin.
Po kështu, edhe Tayna nuk është çudi nëse sjell një këngë ku do të ketë plot spanjisht.
