Artisti i njohur, DJ Kay Slay – ose siç njihet me emrin e vërtetë Keith Grayson – ka ndërruar jetë të dielën mbrëma në moshën 55-vjeçare, pas një beteje të gjatë me Covid-19.
Lajmin e trishtë e ka konfirmuar vetë familja e Deejay-t të njohur përmes një deklarate për revistën “People”.
“Zemrat tona janë thyer nga vdekja e Keith Grayson, i njohur profesionalisht si DJ Kay Slay. Një figurë dominuese në kulturën Hip Hop me miliona fansa në mbarë botën, DJ Kay Slay do të mbahet mend për pasionin dhe përsosmërinë e tij me një trashëgimi që do të kapërcejë brezat. Në kujtim të DJ Kay Slay, familja jonë dëshiron të falënderojë të gjithë miqtë, fansat dhe mbështetësit e tij për lutjet dhe mesazhet e tyre gjatë kësaj kohe të vështirë. Ne kërkojmë që ju të respektoni privatësinë tonë ndërsa jemi të pikëlluar për këtë humbje tragjike.”
Grayson u rrit në Harlem, por u bë më vonë pjesë e skenës së hershme hip-hop të New York-ut. Ai filloi si një artist adoleshent grafiti dhe u shfaq në dokumentarin hip-hop të vitit 1983, Style Wars.
Ai filloi të shesë kaseta me këngë në cepat e rrugëve në fillim të viteve ’90 dhe publikoi albumin e tij të parë në studio, The Streetsweeper, Vol 1 në maj 2003. Grayson publikoi disa albume të tjera dhe punoi me Nas, Kendrick Lamar, Jadakiss dhe Busta Rhymes.
