Që kur Chris Brown u la i lirë dje nga policia pas një arrestimi nën akuzën e përdhunimit, ai është bërë aktiv në në mediat sociale duke u përpjekur të pastrojë emrin e tij.
Dhe sigurisht, Justin Bieber, një mik shumë i vjetër i Chris, i ka dalë në krah dhe e ka mbështetur kolegun.
Chris publikoi një video mbrëmë ku shprehej se po punonte për një projekt të ri. Justin komentoi në videon e tij duke i thënë se askush nuk mund ta cënojë imazhin e tij:
“Askush s’mund të të ndalë ty, je më i miri”.
Por fansat e Bieber nuk janë kënaqur aspak me këtë koment. Ata i kanë tërhequr vëmendjen atij dhe i kërkojnë të mos mbrojë një të akuzuar për përdhunim:
“Justin, mund të kishe qëndruar në heshtje”, shkruan një komentues. “Fakti që mbështet një përdhunues, një njeri që abuzon me gratë, më bën të ndihem keq. Nuk e prisja nga ti, shumë zhgënjyese”, thotë një tjetër.
Kjo ka bërë që fansat të sjellin në vëmendje të gjitha herët kur Chris është përfshirë në telashe me drejtësinë, përfshi këtu rastin kur dhunoi Rihanna-n.
