Ricky Martin sapo fitoi çështjen kundër nipit të tij, i cili e akuzoi për marrëdhënie seksuale dhe ngacmime të mëvonshme. Por gjatë seancës gjyqësore nipi 21-vjeçar i Martin e tërhoqi pretendimin e tij.
Burime për TMZ bëjnë me dije se gjyqtari ka rrëzuar masën e ndalimit të përkohshëm që kishte dhënë një javë më parë për këngëtarin.
Ricky mori pjesë në seancë me anë të aplikacionit “zoom”.
Ekipi i tij ligjor tha për TMZ, “Ashtu siç e kishim parashikuar, urdhri i mbrojtjes së përkohshme nuk u zgjat nga gjykata. Akuzuesi i konfirmoi gjykatës se vendimi i tij për të pushuar çështjen ishte vetëm i tij, pa ndonjë ndikim apo presion të jashtëm. Akuzuesi konfirmoi se ishte i kënaqur me përfaqësimin e tij ligjor në këtë çështje. Kërkesa erdhi nga akuzuesi që kërkonte pushimin e çështjes. Nuk ishte asgjë më shumë se një individ me probleme që bënte pretendime të rreme pa patur absolutisht asgjë. Ne jemi të kënaqur që klienti ynë mori drejtësi dhe tani mund të ecë përpara me jetën dhe karrierën e tij.”
Kujtojmë se nipi kishte pohuar se ai dhe Ricky kishin një lidhje seksuale 7-mujore dhe pasi ajo përfundoi, Ricky filloi ta përndiqte dhe ta ngacmonte. Ricky i mohoi me forcë akuzat, duke thënë se ai kurrë nuk ka pasur marrëdhënie seksuale me nipin e tij.
